Bugun AQSHning Nevada shtati Las-Vegas shahrida navbatdagi UFC oqshomi bo’lib o’tdi.

UFC Vegas 33 turnirining markaziy jangida amerikalik Yurayya Xoll vatandoshi SHon Striklendga qarshi oktagonga ko’tarildi. Jang to’liq besh raund davom etdi. 

Yakunda hakamlar Striklendning ochkolar hisobiga ko’ra g’alaba qozonganini etirof etishdi. Xoll bugun faoliyatidagi o’ninchi mag’lubiyatini qabul qilib oldi. Hisobida yana 19 g’alaba ham bor. U ketma-ket to’rtta g’alabadan iborat seriyani barbol qildi.   

O’z o’rnida Striklend faoliyatidagi 24-g’alabasini tantana qildi. Hisobida uchta mag’lubiyat ham bor. Amerikalikning g’alabali seriyasi beshta jangga etdi.