Engil vazn toifasida sobiq UFC chempioni Xabib Nurmagomedov dunyodagi eng kuchli ayol jangchi kimligi haqida gapirdi.

Xabibning fikriga ko’ra, PFL promoushenida engil vazn chempioni hisoblanadigan Kayla Xarrison dunyoda tengsiz hisoblanadi.

“O’ylashimcha, Kayla Xarrison dunyodagi eng zo’ri. Men shunchaki o’ylab ko’rdim: kim uni mag’lub qilishi mumkin? Bu narsaning iloji bor deb o’ylamayman. Kaylani uradigan hech kimni ko’rmayapman. Dzyudo – dunyodagi eng qiyin sport turlaridan biri. Men dzyudochilar qanday og’ir mashg’ulotlarni olib borishlarini bilaman. Kayla dzyudo sporti bo’yicha ikki karra Olimpiya chempioni. Sen bu sport turidan ikki marta oltin medal yutishing uchun shunchaki yirtqich bo’lishing lozim”, -deydi Xabib Nurmagomedov.

Eslatib o’tamiz, kuni kecha PFL 8 turnirida Amerikalik Kayla Xarrison birinchi raunddayoq raqibasi Jen Fabianni texnik nokautga uchratgandi.