202
Kilian Mbappe va Florentino Peres o‘rtasidagi muloqot tafsilotlari ma’lum bo‘ldi.
Jurnalist Xosep Pedrerol xabariga ko‘ra, “PSJ” hujumchisi “Real Madrid” prezidentiga shunday xabar yuborgan:
“Janob Florentino Peres, sizga xabar beramanki, men “PSJ”da qolishga qaror qildim. Menga bolaligimdan muxlislik qilgan “Real Madrid” klubida o‘ynash imkoniyatini berganingiz uchun sizga rahmat aytmoqchiman. Umid qilamanki, qarorimni tushunasiz. Chempionlar ligasi finalida omad tilaymiz”.
Taxminlarga ko‘ra, “Real Madrid” rahbari fransiyalik futbolchiga shunday javob qaytargan: “Oxirgi kunlarda ishlar shunday bo‘lib ketganidan afsusdaman. Ular bolaligingizdan beri orzu qilgan orzularingizni buzdilar. Sizga barcha yaxshi narsalarni tilayman”.
“PSJ” bugun Mbappe bilan shartnomani 2025 yilgacha uzaytirganini e’lon qildi.
