212
«PSJ»ning argentinalik hujumchisi Lionel Messi bu yilgi «Oltin to‘p» uchun kurash haqida gapirdi.
«Agar men yettinchi marta «Oltin to‘p»ni qo‘lga kiritsam, bu aqlbovar qilmaydigan voqea bo‘ladi. Mukofot menga nasib etmasa ham hechqisi yo‘q. Men allaqachon ko‘p narsaga erishdim», — dedi 34 yoshli futbolchi Sport.es nashriga.
Eslatib o‘tamiz, Messi o‘tgan yozda erkin agent sifatida «PSJ»ga o‘tgan edi. Argentinalik futbolchi 2005 yildan beri o‘ynab kelayotgan «Barselona»ni moliyaviy muammolar tufayli tark etdi.
