146
PSJ hujumchi Kilian Mbappe o‘rniga futbolchi qidirishni boshlab yubordi. Tomonlar joriy mavsum oxirida tugaydigan shartnomani uzaytirish borasida kelisha olishmadi. 23 yoshli hujumchi jamoani tark etib, faoliyatini “Real”da davom ettirishga qaror qilgan.
“Calciomercato” nashri xabariga ko‘ra, Parij grandi Mbappe o‘rniga boshqa yulduz futbolchini jamoaga taklif qilmoqchi. “Liverpul”ning misrlik futbolchisi Muhammad Saloh hujum chizig‘ida Kilianning o‘rnini egallashi mumkin. Fransuz klubi yozgi transfer oynasida afrikalik uchun kurashishga tayyor.
Salohning mersisaydliklar bilan shartnomasi 2023 yilda tugaydi va shuning uchun “qizillar” yetakchisini tekinga yo‘qotmaslik uchun uni sotish haqida o‘ylab ko‘rishlari mumkin.
