211
Hujumchi Krishtianu Ronalduning “Manchester Yunayted”ga qaytishi “qizil iblislar”ga qancha tushganligi ma’lum bo‘ldi.
“Manchester Yunayted” 36 yoshli portugaliyalik futbolchi uchun “Yuventus”ga 15 million yevro to‘laydi, yana 8 millioni bonus ko‘rinishida beriladi, deydi insayder Fabrisio Romano.
“Yuventus”ga 20 million yevro atrofida kafolat puli beriladi, chunki bonuslarning bir qismini olish oson bo‘ladi.
Eslatib o‘tamiz, Ronaldu 2003 yildan 2009 yilgacha “Manchester Yunayted” da o‘ynagan. U yerdan “Real Madrid”ga (2009-2018), keyin “Yuventus” ga o‘tdi.
“Manchester Yunayted” a’zosi sifatida Krishtianu uch marta Angliya chempionligini, ikki marta Angliya Liga Kubogini va bir marta mamlakat kubogini qo‘lga kiritdi. 2008 yilda portugal “Yunayted” bilan birgalikda Chempionlar ligasi va klublar o‘rtasidagi jahon chempionatida g‘olib bo‘lishdi.
