Toshkentdagi 22 yoshgacha bo’lgan bokschilar o’rtasidagi Osiyo chempionatida so’nggi qatnashchimiz ham oltin medalni o’ziniki qildi.

+92 kg vazn toifasidagi charm qo’lqop ustamiz Jahongir Zokirov qo’shni Tojikiston vakili Muhammad Abroriddinovga qarshi ringga chiqib, ishonchli g’alabaga erishdi. Aynan u terma jamoamizga ushbu musobaqadagi oxirgi oltin medalni taqdim etdi. 

SHu tariqa, Osiyo chempionati finaliga yo’l olgan o’n ikki bokschimizning barchasi oltin medalni naqd qilishdi.

Suratlar muallifi – Jahongir FAYZULLAEV, o’z muxbirimiz