“Maqsadim va orzum – PSJ bilan Evropa CHempionlar ligasini yutish” – Lionel Messi Parij klubi safidagi ilk matbuot anjumanida qatnashdi

Teglar : 
PSJ Lionel Messi
Kecha PSJ klubi bilan shartnoma tuzgan Lionel Messi bugun maxsus matbuot anjumanida ishtirok etdi.

Quyida argentinalik futbolchining eng muhim fikrlarini taqdim etamiz:

"Barselona"dagi uzoq yillik faoliyatdan keyin jamoadan ketish oson bo’lmadi. Ammo PSJga o’tganimdan keyin o’zimni qulay his qildim. Hozir yagona istagim – yangi klub safida mashg’ulotlariga qo’shilish.

PSJ bilan muzokaralar tez va sifatli o’tdi. Biz qiyin vaziyatdan ajoyib tarzda chiqdik: Parijda bo’lishdan mamnunman va tezroq maydonga tushishni xohlayman.

Qachon PSJ safida debyut qilishimni bilmayman: tez orada mashg’ulotlarni boshlaymiz va imkon qadar tezroq tarkibga tushishga intilaman. Murabbiylar shtabi qachon meni tayyor deb hisoblashsa o’shanda debyut qilaman.

So’nggi kunlardagi men bilan sodir bo’lgan holat – o’zgacha. Barchasi juda tez o’tmoqda…"Barselona"dagi barcha hissiyotlarni unutib bo’lmaydi. Ammo PSJga o’tishni sabrsizlik bilan kutdim.

Siz dunyoning eng yaxshi klubida bo’lishingiz mumkin, ammo Evropa chempionlar ligasini qo’lga kiritmaslingingiz mumkin: kutilmagan holatlar ham uchrab turadi.

Maqsadim va orzum — PSJ bilan birga Evropa CHempionlar ligasini yutish: Parij — bunday yuqori maqsadni amalga oshirish uchun eng yaxshi joy.

Biz yana birgamiz, men, Neymar, Paredes, Di Mariya. Jamoadagi barcha yigitlarni yaxshi taniyman. Albatta, PSJga o’tishimda Neymarning hissasi katta bo’ldi.

"Barselona"ga qarshi boshqa jamoa safida maydonga tushish g’alati bo’ladi", – dedi Messi PSJ futbolchisi sifatidagi ilk matbuot anjumanida.