140
«Barselona» klubi qishki transfer oynasi paytida jamoani kuchaytirishni maqsad qilgan, deb xabar beradi todofichajes.com nashri. Manbada aytilishicha, kataloniyaliklar rahbariyati «Leypsig» futbolchisi Dani Olmoni o‘z safiga qo‘shib olmoqchi.
«Ko‘k-anorranglilar» o‘tgan yozda ispaniyalik futbolchini sotib olishga harakat qilishgandi, biroq transfer bozorining yopilib qolishi bunga to‘sqinlik qilgandi.
Dani Olmoning o‘zi ham yanvar oyini kelishini sabrsizlik bilan kutmoqda va Ispaniyaga qaytib, «Barsa»ning sharafini himoya qilishni orzu qiladi.
«Barselona» nemis klubiga futbolchining transferi uchun 50 million yevro taklif qilmoqchi. Dani Kataloniya klubi bilan 2026 yilgacha shartnoma imzolashi ko‘zda tutilgan.
