102
«Barselona» hujumchi Serxio Aguerodan uzoq muddatga ayrildi. Yozda Kataloniya klubiga o‘tgan argentinalik hujumchi yuragi bilan bog‘liq muammolar tufayli kamida uch oyni o‘tkazib yuboradi. Bunday vaziyatda «ko‘k-anorranglilar» hujum chizig‘ini kuchaytirish uchun yanvar oyida transfer bozoriga xarid amalga oshirishi mumkin.
El Nacional nashri xabariga ko‘ra, «Barselona» qishki transfer oynasida Londonning «Arsenal» jamoasi futbolchisi Pyer-Emerik Obameyang bilan shartnoma imzolamoqchi.
2021/2022 yilgi mavsumda Pyer-Emerik Obameyang «Arsenal» tarkibida 10 ta o‘yin o‘tkazib, 7 ta gol urdi va 2 ta golli uzatmani amalga oshirdi. Transfermarkt portali 32 yoshli Obameyangni 25 million yevroga baholamoqda.
