222
«Manchester Yunayted» hujumchisi Krishtianu Ronaldu kelasi mavsumda Chempionlar ligasida ishtirok eta olmasa, jamoani tark etishi mumkin, deb xabar beradi Daily Express.
Manba bergan xabarga ko‘ra, 36 yoshli portugaliyalik jamoaning Premyer-ligadagi so‘nggi natijalaridan qoniqmayapti va u Yevropa Ligasida o‘ynashni istamayapti.
APLning 11-turidan keyin «Manchester Yunayted» Chempionlar Ligasi zonasidan 5 ochko ortda qolgan holda 17 ochko bilan turnir jadvalida 7-o‘rinni egallab turibdi.
Joriy mavsumda Ronaldu 12 o‘yinda 9 ta gol urdi va bitta golli uzatmani amalga oshirdi.
