Qosimov Baqoevni yuta oladimi yoxud AGMK – “So’g’diyona” uchrashuviga prevyu

Teglar : 
So’g’diyonaAGMK
Har qanday ibtidoning intihosi bor. Ko’z ochib yumgunimizcha 2021 yilgi Superliga bahslari finish marrasiga etib keldi.

Tabiiyki finishga birinchilardan bo’lib muddatidan avval "Paxtakor" etib keldi. AGMK, "Nasaf", "So’g’diyona" esa ikkinchi, uchinchi bo’lib etib kelish yo’lida mavsum davomida bir-birlari bilan ancha kurashishdi. Endi esa xulosa yasaydigan palla, xo’sh kumush egasi kim? Bu savolga biz ertaga Olmaliqda bo’lib o’tadigan AGMK – "So’g’diyona" uchrashuvi orqali bilib olamiz. 

O’zaro o’yinlar 

SHu kungacha jamoalar o’zaro 26 marotaba to’qnash kelishgan bo’lib (1ta o’yin kubok), AGMK 8ta, "So’g’diyona" 10ta g’alabani tantana qilgan. Qolgan 8ta uchrashuvda tomonlar durangga imzo chekishgan. Olmaliqliklarning eng yirik g’alabasi 4:1, 3:0. Jizzaxliklarning eng yirik g’alasi 5:2. 

Birinchi davradagi o’yin. 

SO’G’DIYONA – AGMK 0:0

Hakamlar: Ilgiz Tantashev, Andrey Capenko, Timur Gaynulin, Nayim Qosimov

Nazoratchi: Bobur Haydarov

Komissar: SHohruh Said

Boshlanish vaqti: 20:00

"So’g’diyona": 27.Milan Mitrovich, 2.Sardor Qulmatov, 4.Elyor Orifov(28.Ergash Ismoilov,46), 5.Ayubxon Nomanov, 6.Iskandar SHaykulov (18.Darko Stanoevich,84), 10.SHohruz Norxonov, 11.Jasur Hasanov (14.Daniel Nasriddinov,87), 17.SHahboz Jo’rabekov, 19.Javohir Qahramonov (77.Sahob Rashidov, 70), 31.Luka CHermel, 93.Marko Kolakovich.

Zaxira: 1.SHirinboy Abdullaev, 37.Alisher Pirmatov,   25.Nodirbek Qo’yboqov,  63.Asil Begimqulov, 88.Muhsin Bozorov.

AGMK: 35.Valijon Rahimov – 77.Dilshod Ahmadaliev, 8.Bobur Yo’ldoshev, 7.Sardor Rahmonov, 11.Murod Toshmatov – 5.Dilshod Jo’raev ( 27.Martin Boake,82), 17.Sanjar Tursunov, 22.Sanjar SHoahmedov (4.Mirjamol Qosimov,70 )- 28.SHohruh Gadoev, 18.Aleksandr Kasyan (9.Zafar Polvonov,82), 10.Husniddin G’ofurov (23.Yovan Jokich, 70).

Zaxira: 1.Botirali Ergashev, 32.Suhrob Sultonov – 15.Abbos Otaxonov, 20.Mirg’iyos Sulaymonov, 42.Nodir Abdurazzoqov.

Ogohlantirish: Elyor Orifov (45), Iskandar SHaykulov (75)

FAKT! AGMK Mirjalol Qosimov kelganidan beri  "So’g’diyona"ni yuta olmayapti 

AGMK 2019 yilda Mirjalol Qosimov bosh murabbiyligiga o’tganidan beri 5 marotaba "So’g’diyona" bilan o’ynadi. Ularning 3tasida durang, 2tasida esa "bo’rilar" g’alabani o’z tomoniga og’dirganini aytish joiz. 

19.05.2019. AGMK – "So’g’diyona" 0:2

27.08.2019. "So’g’diyona" – AGMK 1:0

07.03.2020. "So’g’diyona" – AGMK 1:1

17.09.2020. AGMK – "So’g’diyona" 1:1

31.07.2021. "So’g’diyona" – AGMK 0:0 

So’nggi o’yinlardagi kayfiyat va turnir jadvali 

Qiziq holat, AGMK ham, "So’g’diyona" ham so’nggi uchrashuvlarini "Nasaf"ga qarshi o’tkazishdi. "Ajdarlar" Jizzaxda kechgan bahsda so’nggi daqiqalarda mag’lubiyatdan qutulib qolgan bo’lsa, Mirjalol Qosimov shogirdlari O’zbekiston kubogi yarim finalida alamli mag’lubiyatga uchradi. Ko’rinib turibdiki kayfiyat ikki jamoada turlicha. 

Superligada ikkinchi o’rin masalasi hamon ochiq. Kumush medallarni kim qo’lga kiritadi?

Jamoalardagi yo’qotishlar 

Kecha malum qilganimizdek, ertangi o’yinda maydon egalariga Sanjar Tursunov sariq kartochkalari 4taga etgani bois yordam bera olmaydi. Mehmonlarda ham Sardor Qulmatovning sariq kartochkalari 4taga etgani bois uchrashuvni o’tkazib yuboradigan bo’ldi. 

Hakamlar haqida  

Kumush medal uchun kechadigan masuliyati yuqori bo’lgan bellashuvni boshqarish Zokir Qodirov boshqaruvidagi hakamlar brigadasiga ishonib topshirildi. Tajribali referi bu mavsum "So’g’diyona" ishtirokidagi o’yinni boshqargani yo’q. AGMK jamoasining safarda "Surxon"ga qarshi o’tkazgan o’yinida Zokir Qodirov ishlagan. Unda esa olmaliqliklar safardan 1:0 hisobida g’alaba bilan ortga qaytgan. 

AGMK – SO’G’DIYONA

27.11.2021. OKMK sport majmuasi.15:00

Hakamlar: Zokir Qodirov, Husniddin SHodmonov, Doniyor Saylalov, Doston Mirzaraimov

Nazoratchi: Marat Ismailov

VAR hakami: Akobirho’ja SHukurullaev

VAR assistent: Aleksandr Sidorov

VAR nazoratchisi: Vladislav Ceytlin

Komissar: Laziz Qo’chqorov

Abdulaziz Iskandarov