O’zbekcha transferlar. SHartnoma muddati ham o’ta maxfiy sirmi?

Teglar : 
O’zbek transfer
1 yanvar kirib kelishi bilanoq bir qator klublarimiz yangi futbolchilarni tanishtirishni boshlab yuborishdi.

Gap qaysi futbolchilarning qaysi klubga o’tgani haqida emas. Mutlaqo! Meni bir narsa xayron qoldirmoqda va jahlimni chiqarmoqda.

Yangi futbolchini tanishtirayotganda klublarimiz taxminan mana shunday so’zlarni yozishadi: "…Falonchi falonchiev bilan shartnoma tuzildi. Umid qilamizki u muxislarimizni xkrsand qiladi va yangi mavsumda jamoamizga katta foyda keltiradi…"

Baraka topgurlar, futbolchi bilan necha yillik shartnoma tuzilganini yozish qiyinmi yoki u ham maxfiy sirmi? Yoki klub rahbari yoki bosh murabbiy shartnoma muddatini yozmanglar, deb aytadimi?

Odatda futbolchi va murabbiyning maoshini so’raganimizda, shartnomada maoshni oshkor qilish mumkin emasligi haqida band bor, deb javob berishadi. O’sha shartnoma qachongacha tuzilganini oshkor qilsa bo’ladimi?

CHet elda 1+1 ko’rinishidagi shartnomalar elon qilinadi, futbolchi sotib olish huquqi bilan ijaraga olingani yoziladi yoki bu o’yinchi erkin agent sifatida jamoamizga kelib qo’shildi, deyishadi. Bizda-chi? "Paxtakor" va AGMK kabi klublardan tashqari boshqa hech bir klub bunday narsalarni yozmaydi.

Bazida futbolchi boshqa klubga ijaraga berilganini mavsum oxirida bilib qolamiz.

Yangi yil bayramlari tugaganidan keyin PFL baribir qaysi futbolchi qancha muddatga shartnoma tuzganini elon qiladi-ku! SHunday ekan, yashirishdan nima mano bor? Qachon bizda ham rahbariyat klub matbuot xizmatiga professional ishlashlari uchun imkoniyat yaratib berarkan? 

Muallif : Narzulla Saydullayev