173
Turkiya terma jamoasining ushbu bahs uchun tarkibi elon qilindi. Unga ko’ra, Turkiya Altug CHelikbilek, Kem Ilkel, Ergil Kirkin, Yanki Erel, Marsel Ilxan bilan Toshkentga keladi. Jamoa sardori sifatida Marsel Ilxan ko’rsatilgan.
Malumot uchun, hozirda ATR reytingida CHelikbilek 154, Ilkel 197, Kirkin 373, Erel 415, Ilxan esa 724-o’rinni egallab turibdi.
Avvalroq, terma jamoamizning Turkiyaga qarshi kechadigan bahs uchun tarkibi ham malum bo’lgan edi. Denis Istomin, Humoyun Sultonov, Sanjar Fayziev, Sergey Fomin va Maksim SHin bo’lajak uchrashuvda yurtimiz sharafini himoya qiladilar. Jamoamiz sardori sifatida Farruh Do’stov qayd etilgan.
Malumot uchun, hozirda ATR reytingida Istomin 242, Sultonov 424, Sanjar Fayziev 516, Sergey Fomin 823-o’rinni egallab turibdi. Maksim SHin esa hali ATR reytingiga kirmagan.
