174
Madridning «Real» klubi hujumchisi Karim Benzema va «PSJ» hujumchisi Kilian Mbappe Chempionlar ligasining 1/8 finali doirasidagi o‘yindan so‘ng suhbatlashdi.
Madridliklar javob o‘yinida parijliklarni 3:1 hisobida mag‘lub etishdi. Benzema xet-trik qayd etgan bo‘lsa, Mbappe jamoasining yagona goliga mualliflik qildi.
Uchrashuv yakunida futbolchilar Madrid klubining kiyinish xonasiga tutash xonalardan birida taxminan 15 daqiqa suhbatlashishdi. Mbappening onasi ham u yerda edi. OAVning taxminiga ko‘ra, ushbu suhbat katta ehtimol bilan Kilianning «Real»ga o‘tishi haqida bo‘lgan.
Eslatib o‘tamiz, Mbappening «PSJ» bilan amaldagi shartnomasi mavsum oxirida yakuniga yetadi. Futbolchi katta ehtimol bilan yozda erkin agent bo‘lib «qaymoqranglilar» safiga o‘tadi.
