“Inter” Turinga boradi, etakchi “Empoli”ni qabul qiladi: A Seriya 29-tur prevyusi

Teglar : 
Prevyu ItaliyaSergey Rumyancev A SeriyaItaliya A Seriyasi
Bugun Italiya chempionatining navbatdagi tur uchrashuvlariga start beriladi.

"Sampdoriya" – "Yuventus"

Torsbyuning safga qaytishi ajoyib yangilik bo’lgan bo’lsa-da, sariq kartochkalar soni tufayli o’yinni o’tkazib yuboradigan Murruning yo’qligi Jampaoloni xafa qilgani aniq. Maydonga Bereshinskiy tushadi, hujumda esa doimgidek Kaputo-Kvalyarella duetini ko’ramiz. "Yuventus"da esa yo’qotishlar juda ko’p. Dibala, Zakariya, Kellini, Bonnuchchi, shuningdek, sariq kartochkalar soni ko’pligi tufayli Bernardeski o’yinni o’tkazib yuborishadi. Vlaxovich ham maydonga tushishi so’roq ostida turibdi. Lekin Kuadrado tiklanib, jamoasiga yordam berishi mumkin.

Jamoalar oxirgi marta shu yilning yanvarida Italiya Kubogi doirasida uchrashishgan edi. O’shanda "keksa sinora" 4:1 hisobida g’alaba qozongan. Hozir ham turinliklar favorit hisoblanmoqda. Oxirgi payt genuyaliklarning o’yini yaxshi emas, shu sababli etakchilardan birini to’xtatish oson bo’lmaydi.

Sampdoria

Serie A . 29-tur 12/03/2022, 22:00 – : – Boshlanmadi

Juventus

Stadion: Stadio Luigi Ferraris

Bosh hakam: Paolo Valeri

Match-senterda ochish

"Milan" – "Empoli"

Ernandes diskvalifikaciya qilingan, uning o’rniga Florenci maydonga tushadi. Ammo quvonarlisi, Jiru, Zlatan va Romanoli safga qaytdi. Faqatgina kichik jarohati tufayli Bakayoko bahsni o’tkazib yuborishi mumkin. Zurkovski safga qaytishi "Empoli" murabbiylik shtabini quvontirgani aniq. Ammo afsuski, Markicca esa hali ham lazaretda. Biroq jamoa "Inter"ning sobiq forvardi, muntazam ravishda "Milan"ga gol urgan Pinamonti hujumda ajoyib o’yin ko’rsatishidan umid qilmoqda.

1-davrada bu ikki jamoa o’rtasida shiddatli bahs bo’lgan va uchrashuv Toskanada 4:2 hisobida milanliklar g’alabasi bilan yakunlangandi. Hozir ham "rossoneri" favorit. Ha, A Seriya peshqadamiga qarshi uchrashuvda "Empoli"ga oson bo’lmasligi aniq.

AC Milan

Serie A . 29-tur 13/03/2022, 00:45 – : – Boshlanmadi

Empoli

Stadion: San Siro

Bosh hakam: Daniele Chiffi

Match-senterda ochish

"Verona" – "Napoli"

Malumotlarga qaraganda, Barak maydonga tushishi va "mastiflar" hujumini kuchaytirishi mumkin. Lekin Davidovich va Pandur uchrashuvni o’tkazib yuborishadi. SHu sababli, murabbiy himoya chizig’iga kimni qo’yish borasida obdon o’ylab ko’rishi kerak. "Napoli"ga keladigan bo’lsak, jarohati tufayli Aleks Meret o’ynamaydi. Tuanbeze va Malkyu esa hamon jarohatini davolash bilan ovvora. Katta ehtimol bilan Insine zaxirada qoladi.

Oxirgi marta jamoalar Neapolda o’ynab, durang (1:1) qayd etishgandi. "Partenopeylar" hozir ham ustunroq.

Hellas Verona

Serie A . 29-tur 13/03/2022, 19:00 – : – Boshlanmadi

SSC Napoli

Stadion: Stadio M. A. Bentegodi

Bosh hakam: Daniele Doveri

Match-senterda ochish

"Udineze" – "Roma"

Uolles sariq kartochkalar soni tufayli bahsni o’tkazib yuboradi, Makengo maydonga tushishi esa so’roq ostida turibdi. Hozir ajoyib formada bo’lgan Udine jamoasida boshqa muammolar yo’q. "Roma"dagi asosiy yangilik — diskvalifikaciya sababli 2ta uchrashuvni o’tkazib yuborgan Joze Mourino yana jamoa bilan birga. Ammo Mxitaryan va Kumbulla klubiga yordam berolmaydi. Katta ehtimol bilan yosh Zalevski maydon markazida o’ynashi mumkin.

So’nggi o’zaro bahsda "Roma" 1:0 hisobida g’olib bo’lgan. Umuman olganda, bu ikki klub o’rtasida ajoyib anana bor: bir-biriga javob golini urmaslik. Oxirgi 8 o’yinda shunday bo’lgan. Bu gal "Roma" favorit, ammo "Udineze" etakchilarga qarshi bahslarda ko’pchilikni lol qoldirishi mumkinligini unutmaslik lozim.

Udinese

Serie A . 29-tur 13/03/2022, 22:00 – : – Boshlanmadi

Roma

Stadion: Dacia Arena – Stadio Friuli

Bosh hakam: Marco Di Bello

Match-senterda ochish

"Torino" – "Inter"

Ivan Yurichning tarkib bilan bog’liq qator muammolari bor. Jarohat tufayli Milinkovich-Savich, Prat va Fares o’ynamaydi, Belotti va Edera maydonga tushishi aniq emas. Indzagi esa bir necha haftaga safdan chiqqan De Vreysiz bahsni o’tkazishga majbur. "Inter"da boshqa yo’qotishlar yo’q. Ammo jamoa Enfildda g’alaba qozongan bo’lsa-da, ancha kuch sarfladi. SHu sababli o’sha uchrashuvdan keyin tarkib qanchalik o’zgarishini kuzatish qiziq bo’ladi. Angliyada maydonga tushmagan Barellaning ishtiroki juda muhim.

Birinchi davra uchrashuvlarida "Inter"Dyumrfisning goli evaziga g’olib bo’lgandi. Hozir ham "neradzurri" raqibiga qaraganda ancha yaxshi formada.

Torino

Serie A . 29-tur 14/03/2022, 00:45 – : – Boshlanmadi

Inter

Stadion: Stadio Olimpico Grande Torino

Bosh hakam: Marco Guida

Match-senterda ochish

Sergey Rumyancev
Nozima Zaripova tarjimasi