171
“Manchester Yunayted”ning sobiq hujumchisi Dimitar Berbatov agar mankunianliklar Angliya Premyer-ligasining joriy mavsumi yakunida kuchli to‘rtlikka kira olmasa, “qizil iblislar” hujumchisi Krishtianu Ronaldu aybdor bo‘lmasligini aytdi.
“Ronaldu o‘zining yoshi, o‘yin uslubi va urgan gollari uchun ajoyib futbolchi hisoblanadi. Uning yoshida bir mavsumda Premer-ligada shuncha gol urish aql bovar qilmaydigan yutuq. U nima qilishi kerak bo‘lsa, hammasini qildi.
Endi uning o‘yini avvalgisidan farq qiladi, lekin bir narsa o‘zgarmadi – u gol urishda davom etdi.
Agar u “Manchester Yunayted”ni tark etishga qaror qilsa, biz uni ayblay olmaymiz. Faoliyatingizning har yili UEFA Chempionlar Ligasida o‘ynashga odatlangan bo‘lsangiz va keyin bunday imkoniyatga ega bo‘lmasangiz, buni qabul qilish qiyin”, – deya Berbatovning so‘zlarini keltiradi The Sun nashri.
