399
Alkaraz 2003 yilning 5 mayida Ispaniyaning El-Palmar shahrida tavallud topgan. Uning uchta akasi bor: Alvaro, Serxio va Xayme. U tennisdagi ilk qadamlarini to’rt yoshida otasining tennis maktabida qo’ygan. Alkaraz tennisdagi professional faoliyatini 2018 yilda boshlagan.
Karlos o’z faoliyati davomida to’rtta ATR turniri g’olibi bo’lgan, shulardan uchtasini bu yil qo’lga kiritdi. Uning «Katta Dubulg’a» turnirlaridagi eng yaxshi natijasi 2021 yilgi US Open chorak finali bo’lgan. SHuningdek, ispaniyalik tennischi faoliyati davomida 4 338 906 dollar ishlab topishga ulgurdi.
Uning uchun ATR reytingidagi eng yuqori o’rin shu yilning aprel oyida to’qqizinchi pog’onaga ko’tarilganida bo’ldi.
Sportchining yoshligidagi kumiri hamyurti Rafael Nadal edi. Karlos Alkarazga muxlis va mutaxassislar Nadalning izdoshi deya qaraydi. Bu bejiz emas. Sababi Karlos Nadal qayd etayotgan natijalarga birin-ketin erishmoqda. Ikki tennischining hatto muxlislik qiladigan futbol jamoasi ham bir – “Real Madrid”.
Kecha “Santyago Bernabeu” da bo’lib o’tgan o’yinga Karlos ham Rafa ham tashrif buyurib, sevimli jamoasini stadiondan qo’llab-quvvatladi.
Bo’sh vaqtida Karlos golf va futbol o’ynashni yaxshi ko’radi.
Bugun 19 yoshga qadam qo’ygan tennischidan bir maromdagi tennis muxlislarini xushnud etadigan ajoyib o’yinlar kutib qolamiz.
