214
Professional boksdagi 2022 yil MMA’dan farqli o’laroq, uzoq davom etadigan xotirjamlik bilan boshlanadi. Birinchi katta jang fevral oyining oxiri – mart oyining boshida bo’lishi kutilmoqda. SHuning uchun biz yilning eng kutilgan o’nta jangini haqida gaplashamiz, ular albatta tashkil etilishi kerak. Ulardan bazilari allaqachon rasman tasdiqlangan, boshqalarni tashkil qilish uchun sabr qilishlari kerak.
Aleksandr Usik – Entoni Joshua
Birinchi jang voqealari qanday rivojlanganligini hisobga olsak, bu yilgi eng bahsli megajang.
SHartnoma shunday tuzilganki, mag’lubiyatga uchragan taqdirda, Joshua tez orada revansh olishni talab qilishi mumkin edi va jangdan so’ng darhol buni elon qildi. Tomonlar aprel oyi uchun ikkinchi jangni elon qilib, muzokaralarni boshladilar. Ammo bir muncha vaqt o’tgach, AJ yangi bosh murabbiy izlayotgani, Usik va Tayson Fyuri o’rtasida mutlaq jahon chempionini aniqlash uchun jang tashkil etilsa, chetga chiqishga tayyorligi, g’olib bokschiga qarshi ringga chiqishi haqida xabarlar paydo bo’ldi. Hozircha bu variant rasman elon qilinmagan, shuning uchun Usik – Joshua revansh uchrashuvi bo’lib o’tadi, deb 100% ishonch bilan aytishimiz mumkin.
Birinchi jangning tafsilotlarini hisobga oladigan bo’lsak, britaniyalik qanday qilib revansh olishi va qanday qilib o’z karerasini butunlay barbod bo’lishidan qutulib qolishi mutlaqo tushunarsiz. Ammo endi AJ murabbiyni almashtirishdan tashqari mashg’ulotlar tizimini ham o’zgartirdi, masalan, klinchlarda yaxshiroq ishlash uchun kurashni kuchaytira boshladi. Floyd Meyvezer bilan ishlayotgani Joshuaning Usikka qarshi revansh jangiga qanchalik jiddiy tayyorgarlik ko’rayotganidan dalolat beradi.
Aleksandr Usik – Tayson Fyuri
Qolgan janglarga hurmat saqlagan holda, bu to’qnashuvni yilning eng orzu qilingan jangi deyish mumkin. Joshua bu jang bo’lishi uchun o’z shartini aytdi: murabbiylar shtabida o’zgarish qilayotgani uchun bu to’qnashuvga rozi. Buni Usikning promouteri Aleksandr Krasyuk ham yashirmayapti:
«Usik-Fyuri to’qnashuvi haqidagi muzokaralar juda jiddiy tusga ega. Fyuri bu kechada jang qilishni xohlaydi. Fyurining promouterlari va menejerlari bu jang bo’lishini istashadi. Bu uchrashuvni Usik, uning promouter va menejerlari xohlashadi. Entoni Joshua ham o’zining promouterlari kabi bu jangga qarshi emas.
Joshua keyingi jangni g’olib bilan o’tkazishiga kafolat berilsagina chetga chiqib turishga tayyor. Er sayyorasidagi hech bir inson Dillian Uaytning davosi bilan buni kafolatlay olmaydi. SHu sababli, bugungi kundagi eng katta jang bu Fyuri-Uayt va Joshua-Usikning revanshi deb hisoblayman», – dedi Krasyuk.
Iloji boricha hammani, hatto neytral boks ishqibozlarini ham qiziqtiradigan jang: Usik «Lo’lilar qiroli»ning fonida o’rta vazn toifasidagi bokschiga o’xshab ko’rinishiga qaramay, u daraja jihatidan Fyurining barcha raqiblaridan ancha yuqori ekanligi ayon. Hatto Vladimir Klichkodan ham.
Roman Gonsales – Xuan Francisko Estrada
2021 yilning eng ajoyib va ayni paytda eng bahsli janglaridan biri. 12 raundda ikki bokschi umumiy 2529 ta zarba berib, birinchi engil vazn toifasida rekord o’rnatdilar. Tashabbus qo’ldan-qo’lga o’tdi, Gonsales chempionlik raundlarini ishonchli tarzda o’tkazdi, ammo hakamlar o’ta bahsli bo’lingan qaror bilan g’alabani Estradaga berdi.
Jangdan so’ng bokschilar ushbu qarama-qarshilikda kim kuchli ekanligini (birinchi jangda Gonsales g’alaba qozongan) belgilashi kerak bo’lgan oxirgi – uchinchi jangni o’tkazishga tayyor ekanliklarini bildirdilar. Va bu jang allaqachon rasman tasdiqlangan: 5 mart kuni San-Diegoda juda qizg’in bahs bo’ladi.
Artur Beterbiev – Dmitriy Bivol
SHubhasiz, ikki rossiyalik bokschi o’rtasidagi eng yaxshi jang. Bivol va Beterbiev bir necha yillardan buyon o’z divizionida eng yaxshi deb topilib, to’rtta chempionlik kamaridan uchtasiga egalik qilishadi. Pandemiya ikkalasini ham bir yildan ko’proq o’tkazib yuborishga majbur qildi, bu esa ularning karerasiga salbiy tasir ko’rsatdi: ular Adam Dines va Kreyg Richardsga qarshi faoliyatlaridagi eng zaif jangni namoyish qilishdi. Hozir bu to’qnashuvni o’tkazish uchun eng ideal joy – Rossiya. Buni promouterlar ham, bokschilar ham xohlashadi. Muzokaralar allaqachon boshlangan va Bivol uchrashuv may oyida bo’lib o’tishi mumkinligini tan oldi: «Haqiqatan ham, bu jang may oyida bo’lishi mumkin. Har bir insonda bu kurashni tashkil etish istagi bor. Men Arturga doim hurmat bilan munosabatda bo’lganman, uni terma jamoadan buyon taniyman. Biz u bilan yaxshi munosabatdamiz».
Kuch va tezlik, bosim va texnika. Bu uslublar jangi va bu uchrashuv 2022 yilda bo’lib o’tishi kerak.
Vasiliy Lomachenko – Jorj Kambosos
Bir vaqtlar dunyoning eng yaxshi bokschi bo’lgan Loma uchun Kambosos bilan jang nafaqat eng orzu qilingan jang, balki haqiqiy jekpot hamdir. Aslida, Vasiliy bu jangga to’liq munosib edi, chunki o’tgan yili u divizionning eng yaxshi jangchilari Masayoshi Nakatani va Richard Kommini ishonchli tarzda mag’lub etgan edi:
«Albatta, men Kambosos bilan jang qilishga loyiqman deb o’ylayman. Menga bu imkoniyat kerak. Agar menga bunday imkoniyat berilsa, men undan foydalanaman. Jang qaerda bo’lmasin, o’sha erga boraman. Mening maqsadim – engil vazn toifasida mutlaq jahon chempioni bo’lish. Men bu divizionda qolaman va menga to’rtta kamar kerak». Va hammasi yaxshi bo’lishi mumkin. Lekin bir narsa bor: Teofimo Lopesga qarshi shov-shuvli jangdan so’ng Kambosos shunchaki katta chekni emas, balki qarshiligidan o’tishi oson bo’lgan raqibni xohlaydi. Devin Xeyni yoki Rayan Garsiya unga Lomadan ko’ra yaxshiroq ko’rinadi, Vasiliy bilan millionlarni ololmaydi va yutqazish ehtimoli juda yuqori. Ukrainalikning promouteri Bob Arum jangni tashkil etish uchun barcha usullarni ishga sola boshladi. Vasiliy WVO reytingida birinchi o’rinni egallab turibdi, shuning uchun u Kambososdan yo jang qilishini yoki chempionlik kamaridan voz kechishni talab qilishga haqli. Hozircha, bir so’z bilan aytganda, Jorj Lomachenko bilan jangga qarshi emas, amalda qanday bo’lishini – vaqt ko’rsatadi. Bu to’qnashuv nafaqat Ukrainada, balki butun dunyoda katta qiziqish uyg’otishiga shubha yo’q.
Teofimo Lopes – Josh Teylor
Lopes so’nggi jangda sensacion tarzda Jorj Kambossosga yutqazdi, ammo keyingi jangda u yarim o’rta vaznda Josh Teylorga qarshi mutlaq jahon chempionligi uchun bahs olib borishi mumkin. Teofimo uzoq vaqtdan beri diviziondagi poygachi bilan muammolarga duch keldi, shuning uchun birinchi yarim vazn toifasiga o’tish mantiqan to’g’ri qarorga o’xshaydi. Teylor barcha chempionlik kamarlarini yig’ib, shunchaki divizionni tozaladi. Josh Buyuk Britaniyada ham unchalik mashxur bo’lmagan Jek Katteralga qarshi kamarlarning navbatdagi himoyasini o’tkazsa, nima ham deyish mumkin. Bunday jang hamma uchun foydalidir: Lopes yana cho’qqiga qaytishi mumkin, Teylor nihoyat haqiqatan ham katta nomga ega bo’ladi, shuningdek, ikkala jangchi ham eng tajovuzkor uslubda boks o’tkazadi. Lopes bu jangga shunchalik ishonadiki, u bu jang uchun hamma ish bajarilgan deb hisoblaydi: «Men yana mutlaq jahon chempioni bo’laman, lekin birinchi yarim o’rta vazn toifasida». Bokschilarning promouteri bitta ekanligini inobatga olsak, Teofimoning ishonchini tushunish mumkin.
Saul Alvares – Artur Beterbiev
Millionlar orzusidagi jang. Bir yil ichida super o’rta vazn toifasini zabt etganidan so’ng, muxlislar zamonamizning eng yaxshi bokschisi xuddi shu narsani eng raqobatdosh vaznlardan birida takrorlashini kutishgan, bu erda raqiblar Kaleb Plant yoki Billi Jo Sondersdan jiddiyroq. Ammo Alvares eng munozarali variantni tanladi – birinchi og’ir vaznda o’z omadini sinab ko’rish, raqib sifatida oldingi raqiblari fonida juda kuchli bo’lgan Ilunga Makabuni tanladi.
Tarixni qayta yozishdan charchamaydigan meksikalikni tushunish mumkin. Biroq hozir boksdagi asosiy nokautchiga qarshi kurash butunlay boshqa saviya. Golovkinga bilan to’qnashuvdan keyin Kanelo uchun birinchi jiddiy sinov. Beterbievning promouteri Bob Arumning fikricha, gap Saul Arturning qarshiligidan o’ta olishiga ishonchi komil emasligidandir: «Agar Kaneloning ustozi Eddi Reynoso Alvaresda Beterbievni mag’lub etish qobiliyati bor deb hisoblasa, ularni ringda ko’rishimiz uchun imkoniyat bor. Agar Reynoso jangni maqullamasa, u Saulni bu bokschiga yutqazishi mumkin, deb o’ylaydi. Biz hammamiz bilamizki, Beterbiev xavfli pancher, shuning uchun ularning jangi ehtimoldan yiroq emas».
Ammo Beterbievning o’zi Arumdan butunlay boshqacha malumotlarga ega:
«Promouterim Bob Arum, Markus Braun bilan jangdan bir yarim oy yoki bir oy oldin bog’langanimizda, u Kanelo bilan gaplashgani, bu jangga qiziqayotganini va men bilan boks tushishni istayotganini aytdi. Ular tomonidan ham, biznikida ham hech qanday aniq takliflar yo’q edi. Menimcha, Bob Arum bu jang bo’lishi mumkinligiga ishonadi».
Biroq Alvaresning yarim og’ir vazn toifasiga o’tib, divizionning eng yaxshi bokschisiga qarshi kurashish ehtimoli tufayli bunday ajoyib jang o’tkazilmasligi mumkin.
Errol Spens – Terens Krouford
Ushbu jang hozirgi ro’yxatdagi uchrashuvlarning eng uzoq kutilgani. Nega haligacha bu amalga oshmagani tushunarsiz. Spens va Krouford nafaqat yarimo’rta vaznning, balki dunyodagi eng yaxshi bokschilarning yuqori pog’onasidadir. Bir so’z bilan aytganda, Errol va Terens eng yaxshilarni aniqlamoqchi, ular ijtimoiy tarmoqlarda faol kurashmoqdalar, lekin hali ham bunga erisha olishmayapti. Krouford istefodagi chempionlarni mag’lub etishda davom etmoqda va Spens 2020 yil dekabridan beri ringga chiqmadi. U bahorda Menni Pakyaoni nafaqaga kuzatib qo’ygan WBA chempioni Yordenis Ugas bilan jang qiladi. Agar Spens g’alaba qozonsa, u holda Krouford bilan jang yarim o’rta vazn toifasida mutlaq chempionlik maqomi uchun bo’ladi. Ikkala bokschi uchun ham bundan ortiq motivaciya bo’lishi mumkin emas va promouterlar, TV tarmoqlari bunday kurashni haqiqatga aylantirish uchun kuchlarini birlashtirishi kerak. Bu doston bo’lishiga shubha yo’q.
Gennadiy Golovkin – Jermall CHarlo
Qozog’istonlik bokschi faoliyatidagi ilk mag’lubiyatini Kanelo bilan revansh jangida qabul qilib olgan 2018 yilning kuzidan beri hech qanday jiddiy jang o’tkazmagan. 8 aprel kuni Gennadiy allaqachon qirq yoshga kiradi. Golovkinning faoliyati tugashiga kamida bir-ikki yil bor va qozog’istonlikning eng yaxshi yillari allaqachon ortda qolgani aniq. Dekabr oyida u WVA yo’nalishi bo’yicha o’rta vazn toifasi chempioni Ryoto Murataga qarshi jang o’tkazishi kerak edi, biroq koronavirusning yangi shtammi tufayli jang bahorga qoldirildi. GGG hatto karerasining oxirida ham ayrim yaponiyaliklardan o’tib keta oladi, ammo bu o’rta vaznning bir vaqtlardagi asosiy pancheriga katta ustunlik berishi dargumon. Golovkin uchun ideal toqnashuv WBC chempioni Jermall CHarloga qarshi bo’lib, u bir necha yillardan buyon nomdor raqiblar bilan ringga chiqishga harakat qilmoqda.
Kaneloning og’ir vazn toifasiga o’tishi (har qanday Top bokschi bilan jang)
Agar Saul Alvares birinchi og’ir vaznda chempionlikni qo’lga kiritishga qaror qilgan bo’lsa, unda uni og’ir vazn toifasiga o’tish sarguzashtidan nima to’xtata oladi? Bir qarashda, faoliyatini yarim o’rta vaznda boshlangan bokschining og’ir vazn toifasiga chiqishi ilmiy fantastikadek tuyuladi. Bu Menni Pakyaoning vazn toifalaridagi sayohatidan ham yaxshiroq. Kanelo uchun bu fonda chempion bilan jang qilish unchalik muhim emas, shunchaki qirollik divizionining top bokschisi bilan jang qilishning o’zi kifoya – agar u bu ishni uddalasa, boksda yangi epoxa boshlanadi. CHempion bo’lsa, Alvares nafaqat tarixdagi eng buyuk meksikalik bokschiga aylanadi, balki Muhammad Ali bilan yonma-yon turishi mumkin.
Biroq, yuqoridagilarga qaraganda bu variant eng kam ehtimolga ega. Kaneloning ambiciyalarini bilgan holda, agar u buni rasman elon qilsa ham ajablanmaymiz.
Sarvinoz RAXMONQULOVA tarjimasi.
