Engil vaznda UFC sobiq chempioni, rossiyalik Xabib Nurmagomedov tashkilot prezidenti Dana Uayt haqida gapirdi.

“Men Dana bilan muloqot qilaman. Menda u bilan yaxshi munosabatlar saqlanib qolgan. MMA dunyosidagi bazi odamlar uni yoqtirmaydilar. Lekin men uni juda hurmat qilaman. SHunchaki eslab ko’ring, oxirgi 25 yilda u qancha janglarni tashkil qildi, qancha buyuk janglar bo’ldi. Agar boksga qaraydigan bo’lsak, u erda ikki yirik bokchi o’rtasida jang tashkil qilish uchun yillar kerak bo’ladi, xuddi Pakyao va Meyvezer bilan bo’lgani singari. Ular 10 yil oldin jang qilishlari kerak edi, ammo 2015 yoki 2016 yilda jang qilishdi. O’sha paytda, ular faoliyatining “cho’qqi”sida emas edi.

Bunday misollar boksda talaygina, shunchaki, ikki bokschini to’g’ri vaqtda uchrashtirish kerak. Bundan tashqari, boksda tashkilotlar ham talaygina: WBC, WBO, WBA. Yana, kichik bir qadam bilan million divizion bor. Menga Dana Uaytning UFCdagi tizimi yoqadi. Agar sen eng zo’ri bo’lsang, eng zo’ri bilan jang qilishing kerak. Bundan muxlislar yutadi”, — deb aytib o’tgan Xabib o’z intervyusida.