346
«Real Madrid» prezidenti Florentino Peres klub bosh murabbiyi Karlo Anchelottining jamoadagi roli haqida gapirdi.
«Anchelotti bilan suhbat chog‘ida u menga ko‘plab jamoalarni boshqarganini va «Real»ning boshqa klublardan farqi shundaki, bu yerdagilar haqiqiy madridlik futbolchilar ekanligini aytdi. Bu katta yutuq.
Karloning o‘zi esa «Real Madrid»ning qadriyatlarini o‘zida mujassam etgan. Bu murabbiy uchun juda muhim», – deya Peresning so‘zlarini keltiradi Marca.
Ispaniya chempionatining 34-turidan o‘rin olgan o‘yinda «Real Madrid» «Espanyol»ni 4:0 hisobida mag‘lub etdi va La Ligada muddatidan avval chempionlikni qo‘lga kiritdi. Madridliklar uchun bu Ispaniyaning 35-chempionligi bo‘lib, rekord ko‘rsatkich hisoblanadi.
Ma’lumot o‘rnida, Madridning «Real» klubi Chempionlar ligasi yarim finalining birinchi o‘yinida «Manchester Siti»ga 3:4 hisobida imkoniyatni boy berdi.
