“Milan”ning shonli davri qachon yakunlangan?

Teglar : 
Janluka ZambrottaAlessandro Nesta Klarens Zeedorf MilanFilippo InzagiAntonio KassanoJennaro GattuzoMark van Bommel Zlatan IbragimovichTiagu Silva
Futbol tarixidagi eng sovrindor klublardan biri 8 yillik tanaffusdan keyin ECHLga qaytdi.

"Rossonerilar" chuqur inqiroz davrida A Seriyaning 10-jamoasiga aylangan paytlar ham bo’ldi (2014/15). O’shanda evrofutbolga befarq bo’lmagan har ishqiboz bu jamoaning katta g’alabalarini qo’msab yashadi.  Istalgan raqibning tizzasiga qaltiroq kirgazadigan "qizil-qoralar"ni sog’inib yashadi.

Xo’sh, "Modalar shahri" o’zining buyuk g’alabalarga erishgan ajoyib avlodidan qachon ayrilgandi? Kafu, Maldini, Kaka, Pirlolar "rossoneri" lageridan turli yillarda ayrilgan. Biroq, 2012 yilning yozi "Milan" tarixidagi eng og’ir transfer oynasiga guvohlik qildi. Diqqat qiling, quyidagi futbolchilar bundan 9 yil oldin birvarakayiga Milanni tark etgan edi.

Zlatan Ibragimovich

Tiagu Silva

Jennaro Gattuzo

Klarens Zeedorf

Antonio Kassano

Mark van Bommel

Alessandro Nesta

Janluka Zambrotta

Filippo Inzagi

Tiagu Silva o’sha davrda dunyoning eng kuchli himoyachilari, Ibragimovich eng yaxshi forvardlar qatorida etirof qilinardi. Zeedorf, Inzagi, Nesta va Gattuzo esa hech qanday tarifga shart emas. Bunday katta nomlar ketganidan keyin "Milan" etakchisi sifatida Kevin-Princ Boateng, Jampaolo Paccini, Stefan El-SHaaravi va Mbaye Nyang singari futbolchilar namoyon bo’la boshladi.  Ular orasidagi farq esa o’zingizga malum.

Messining o’rnini bosishi kutilgan Deulofeu hozir qaerda?

Muallif : PippoGOAL