312
«Real» prezidenti Florentino Peres «PSJ» hujumchisi Kilian Mbappening transferi haqida gapirdi.
«Men bu haqda hali o‘ylaganim yo‘q, lekin mazkur transfer haqiqat bo‘lishi mumkin. Ko‘ramiz, yaqinda yangi mavsum uchun tarkibni yaxshilashni boshlaymiz», – deya Peresning so‘zlarini keltiradi Marca.
Yaqin kunlarda fransiyalik futbolchi Madridga kelib, «Real» rahbariyati bilan muzokara olib borishi xabar qilingandi. Mbappening «PSJ» bilan shartnomasi 2022 yilning 30 iyunida tugaydi. U erkin agent sifatida Madrid klubiga o‘tishi mumkin.
23 yoshli futbolchi joriy mavsumda «PSJ» safida barcha turnirlarda 43 ta o‘yinda maydonga tushib, 35 ta gol va 19 ta golli uzatmani amalga oshirdi.
