Rossiyalik bokschi Dmitriy Bivol (19-0, 11 KO) “Bokcerskaya pravda” Youtube kanaliga bergan intervyusida o’zbekistonlik Olimpiada chempioni Bahodir Jalolov (9-0, 9 KO) bilan birgalikdagi faoliyati haqida gapirdi.

Eslatib o’tamiz, Dmitriy Bivol yarimog’ir vazn toifasida WBA yo’nalishi chempioni hisoblanadi. 

— Jalolov jamoangizga kiritilganmi?

— Xo’sh, birinchi navbatda, mening jamoam bu — men, murabbiyim va hokazolar.  Boshqa bokschilarning esa o’z jamoasi bor. SHu jumladan, Jalolovning ham o’z jamoasi bor.  Ammo, Bahodir bilan mening umumiy menejerimiz bor – u bir marta bizning tog’dagi o’quv-mashg’ulot yig’inimizga kelgan. Bu Olimpiya o’yinlaridan oldin edi. SHtatlardagi yig’inda ham biz Bahodirni ko’rdik. Haqiqatan ham zo’r bokschi.