Xabar berganimizdek, Mahmud Muradov ligasining navbatdagi turniri ham Toshkent shahrida o’tkaziladi.

27 fevral kuni poytaxtimizdagi “Yunusobod” sport majmuasida o’tkaziluvchi oqshomning markaziy jangida hamyurtimiz Ramazonbek Temirov (11-2) moldovalik Mixail Sirbu (15-8)ga qarshi oktagonga ko’tariladi.

Ushbu turnirning asosiy kardi doirasida bir yillik tanaffusdan so’ng oktagonga qaytayotgan yurtdoshimiz Ahliddin Mirzadavlatov (8-2) ham o’z jangini o’tkazadi. Ahliddin shu kuni braziliyalik Alisson Marreyra (4-2) bilan to’qnash keladi.