Bugun tongda bloger Jeyk Pol sobiq UFC chempioni Tayron Vudlini ochkolar hisobiga ko’ra mag’lub etgan edi.
177
Jang tugaganidan so’ng ikki jangchi ham intervyu berdi. Tayron Vudli Jeyk Poldan revansh jangi so’radi. Avvaliga aka-uka Pollar bunga rozi bo’lishmadi. Ularning fikricha, jang Jeyk Polning katta ustunligi bilan yakunlangan va revansh borasida gap-so’z qolmagan.
Tortishuvlardan so’ng Jeyk Pol Tayron Vudliga o’z shartini aytdi. “Revanshga rozi bo’laman, faqatgina oyog’ingning son qismiga “I love you Jake Paul”, – deb tatuirovka tushirasan”, – degan Jeyk Pol. Tayron Vudli esa bunga rozi bo’ldi va ikki jangchi “besh” tashlashdi.
SHu tariqa, Tayron Vudli oyog’iga tatuirovka tushirsa, revansh o’tkaziladi.
Eslatib o’tamiz, Jeyk Pol uchun bu jang birinchisi emas. U bundan oldin, yana bir sobiq UFC jangchisi Ben Askrenni nokautga uchratgandi.
