Bonuchchi: «Ronaldu jamoada bo‘lgan payt o‘yin 1:0 hisobida boshlangandek tuyulardi. Vlaxovich bilan esa…»
162
«Yuventus» himoyachisi Leonardo Bonuchchi Krishtianu Ronaldu va turinliklarning yangi hujumchisi Dushan Vlaxovichni taqqosladi.
«Dushan – raqib chuqur himoyada bo‘lganida to‘pni o‘zida ushlab tura oladigan o‘yinchi. U bizga moslashishi va o‘yinini yaxshilashi uchun ozroq vaqt kerak. Ronaldu jamoada bo‘lgan payt, go‘yoki o‘yin bizning foydamizga 1:0 hisobida boshlangandek tuyulardi. U o‘z kuchi va ruhiyatini butun o‘yinchilarga singdira olgan. U klassik markaziy hujumchi va KriRoni hali juda yosh bo‘lgan Vlaxovich bilan taqqoslab bo‘lmaydi», – deya fikr bildiradi Bonuchchi.
Eslatib o‘tamiz, Vlaxovich qishki transferlar vaqtida «Fiorentina»dan «Yuventus»ga o‘tdi. 22 yoshli serbiyalik futbolchi turinliklar safida A seriya doirasilagi uchta o‘yin o‘tkazib, bitta gol urishga erishdi.
