324
Vinus o’zining 41 yoshini nishonlamoqda.
Vinus Eboni Starr Uilyams 1980 yil 17 iyunda Linvud shahrida (AQSH) tug’ilgan. Professional faoliyatini 1994 yilda boshlagan. U faoliyati davomida WTA tasnifidagi turnirlarning 49 ta yakkalik va 22 ta juftlik musobaqalarida g’olib chiqdi, shu bilan birga 42 173 992 dollar mukofot puliga ega bo’ldi.
Uilyams “Katta Dubulg’a” turkumidagi ettita turnirda g’olib chiqqan: 2000, 2001, 2005, 2007 va 2008 yillarda “Uimbldon”, 2000 va 2001 yillarda esa “US Open”da. SHuningdek, u 2003 yilgi Avstraliya ochiq chempionati, 2002 yilgi “Rolan Garros” va 2017 yilgi Avstraliya ochiq chempionatining final bosqichlarida o’ynab, barchasida singlisi Serenaga yutqazgan.
2002 yil fevral oyida Vinus birinchi marta WTA reytingining etakchisiga aylandi va dunyoning birinchi raketkasi maqomida jami o’n bir hafta o’tkazdi. SHuningdek, amerikalik sportchi juftliklar bo’yicha ham dunyoning birinchi raketkasiga aylandi.
Uning “Katta Dubulg’a” turniri juftlikdagi o’n uch g’alabasi va yana ikkita aralash juftlikda unvoni bor. 1999 yilda Uilyams AQSH terma jamoasida “Federaciya Kubogi”da g’alaba qozondi. 2000 yilda Sidney Olimpiadasida u yakkalik bahslarida oltin medalni qo’lga kiritdi. Ayni paytda Vinus Uilyams jahon reytingida 103-o’rinni egallab turibdi.
Amerikalik tennischi bo’sh vaqtlarida karaokeda qo’shiq kuylashni yaxshi ko’radi, shuningdek, rasm chizish va sher yozishni yoqtiradi.
