245
Mallorca Championships turnirining hal qiluvchi final uchrashuvida dunyoning ikkinchi raketkasi bo’lib turgan rossiyalik Daniil Medvedev reytingning 60-pog’onasidan joy olgan amerikalik Sem Kuerriga qarshi kortga chiqdi va g’alaba qozondi – 6/4, 6/2. Tennischilarning o’zaro ikkinchi uchrashuvida ham Daniil zafar quchdi.
Bir soatu 2 daqiqa davom etgan bahsda Daniil 10 ta, Sem esa bitta ko’p – 11 ta eys zarbasini ijro etgan. Bu Medvedev uchun mavsumdagi ikkinchi, faoliyatidagi o’n birinchi sovrin bo’ldi. Malorkadagi muvaffaqiyatli ishtirok unga 70,620 evro mukofot puli hamda 250 reyting ochkosini taqdim etdi.
