318
Serbia Open musobaqasining yarim finalida kutilmagan natija qayd etildi. Sayyoramizning birinchi raketkasi, serbiyalik Novak Jokovich yarim final uchrashuvida ATP reytingining 28-pog’onasidan joy olib turgan rossiyalik Aslan Karacevga yutqazib qo’ydi.
Uch soatu 26 daqiqa davom etgan bahsda Karacev nomdor raqibini va boz ustiga uning vatanida 7/5, 4/6, 6/4 hisoblarida taslim etishga muvaffaq bo’ldi. Novak uchrashuv davomida 2 ta, Aslan esa 6 ta eys zarbasini amalga oshirdi. Tennischilarning o’zaro uchrashuvlaridagi hisob muvozanati ham tiklandi – 1:1.
