160
«Manchester Yunayted» hujumchisi Krishtianu Ronaldu APLning 29-turi doirasida «Tottenxem»ga qarshi o‘yinning birinchi bo‘limida dubl qayd etdi.
Shu tariqa, u professional faoliyatidagi gollar soni bo‘yicha hujumchi Jozef Bisanning rekordini yangiladi.
Ayni damda portugaliyalik futbolchi faoliyati davomida 806 ta gol (klublarda 691, terma jamoada 115) kiritdi.
Xalqaro futbol federasiyasi (FIFA) ma’lumotlariga ko‘ra, Bisan hisobida 805 ta gol bor. Shu bilan birga, Chexiya futbol assosiasiyasi Bisan rasmiy o‘yinlarda 821 ta gol urganini da’vo qilmoqda.
37 yoshli Ronaldu klub darajasida Portugaliyaning «Sporting», Ispaniyaning «Real», Italiyaning «Yuventus» klublarida ham to‘p surgan.
