153
Ispaniyalik Garbin Mugurusa va Paula Badosa, shuningdek, polshalik Iga Svyontek Yakuniy turnirdagi o’rinlarini naqd qilishdi. Mugurusa uchun bu to’rtinchi Yakuniy WTA chempionati bo’ladi. Badosa va Svyontek esa bu musobaqada debyut qilishadi.
Avvalroq belaruslik Arina Sobolenko, chexiyalik Barbora Kreychikova, Karolina Plishkova va greciyalik Mariya Sakkari ham Yakuniy turnirdagi ishtiroklarini kafolatlab qo’yishgandi. Yakuniy WTA chempionatida reytingning kuchli sakkizligidan joy olgan tennis malikalari ishtirok etadi.
