344
Biroz avval dunyoning ikkinchi raqamli tennis malikasi Arina Sobolenko musobaqaning ikkinchi davra uchrashuvida WTA reytingida roppa-rosa 100-pog’onadan joy olgan xitoylik Sin YU Vanni qiyinchilik bilan mag’lubiyatga uchratdi.
Birinchi setni 1/6 hisobida boy bergan belaruslik tennischi keyingi setlarni o’z foydasiga hal qilishgi muvaffaq bo’ldi – 6/4, 6/2. Besh daqiqasi kam ikki soat davom etgan uchrashuvda 23 yoshli Sobolenko ham, 20 yashar Van ham 5 tadan eys zarbasini amalga oshirishdi.
Bu tennischilarning o’zaro o’tkazgan ilk uchrashuvi edi. Endi Arina musobaqaning uchinchi bosqichida chexiyalik Marketa Vondroushovaga qarshi kortga chiqadi.
